«Jol kartasyn» júzege asyrý kezinde ótken jylǵy qatelikterge jol bermeý kerek- G. Ábdihalyqova
A. Qańtardyń 25-i. QazAqparat /Ernur Aqanbaı/ - Eńbek jáne halyqty áleýmettik qorǵaý mınıstri Gúlshara Ábdihalyqova 2010 jyly «Jol kartasy» baǵdarlamasyn júzege asyrý kezinde 2009 jyly jiberilgen kemshilikterine jol bermeý kerek dep esepteıdi.
Ol bul pikirin Úkimettiń búgingi selektorlyq keńesinde bildirdi, dep habarlaıdy QazAqparat.
«Barlyq óńirlerde «Jol kartasy» boıynsha qajetti konkýrstyq qujattardy daıyndaý jáne memlekettik satyp alýlar boıynsha konkýrstar ótkizý jónindegi jumystar jalǵasýda. Bunda ótken jyly jiberilgen kemshilikterge jol bermeý qajettigin aıtqym keledi. 2009 jyldyń ishinde júrgizilgen qadaǵalaý sharalarynyń nátıjesinde, zańnamany saqtamaǵan 325 laýazymdy tulǵa tártiptik jaýapkershilikke tartyldy, 54 laýazymdy tulǵany qarjylyq baqylaý organdary somasy 7,7 mln. teńge bolatyn ákimshilik jaýapkershilikke tartty. 212 nysan boıynsha materıaldar quqyq qorǵaý organdaryna jiberildi», dedi selektorlyq keńeste G. Ábdihalyqova.
Onyń sózine qaraǵanda, ótken jyldyń tájirıbesin eskerip, aǵymdaǵy jyly mynalarǵa basa nazar aýdarǵan jón. Eń aldymen, konkýrstardy ótkizý kezinde qazaqstandyq qamtýǵa jetkilikti kóńil bólý kerek. Ekinshiden, «Jol kartasy» aıasyndaǵy jobalar boıynsha memlekettik satyp alýlar protsedýrasyn júrgizý kezinde turaqty jumys oryndaryn qurýdy qamtamasyz etýge múmkindigi bar kompanııalarǵa basymdyq berý qajet. Úshinshiden, áleýmettik jumys oryndaryn qurý jáne jastar tájirıbesin ótkizý úshin suryptaý jáne uıymdastyrý kezinde keleshekte turaqty eńbekpen qamtý múmkindigi bar jumys berýshilerge artyqshylyq berý kerek. Tórtinshiden, kadrlardy qaıta daıarlaýdy oqyp jatqandardy keleshekte jumysqa barynsha kóptep ornalastyrýǵa baǵdarlaý qajet. Besinshiden, jergilikti eńbekpen qamtý organdary azamattardy «Jol kartasy» jobasyna baǵyttaý kezinde kásiporyndarda qysqaryp qalǵandarmen qosa, ataýly áleýmettik kómekti alýshylardy jáne az qamtylǵan azamattardy eńbekpen qamtýdy basymdy tártipte qamtamasyz etýi tıis. Sonymen qatar, bólingen qarjynyń maqsatty jáne tıimdi paıdalanylýyna qadaǵalaý jónindegi jumysty júıelendirý kerek.
