Jol kartasy: Jumysqa qabyldanatyndardyń 50% jastar bolady

ALMATY.QazAqparat–Almatyda umyspen qamtýdyń Jol kartasyn júzege asyrý nátıjesinde 47 jańa nysan salynady, onyń 31- áleýmettik nysan. Bul týraly qalalyq Ál-aýqat basqarmasy basshysynyń orynbasary Danııar Álkebaıuly brıfıng barysynda aıtty, dep habarlaıdy QazAqparat tilshisi.

Spıkerdiń aıtýynsha, ınfraqurylymdyq jobalardy iske asyrý kezinde jumyssyz jastarǵa basymdyq beriledi. Olar jumyspen qamtý ortalyqtaryna júgine alady. Jalpy joba aıasynda 26 myń jańa jumys ornyn ashý josparda. Jaldamaly jumysshylardyń keminde 50% jastar bolýy shart.

«Jol kartasy aıasynda jumysqa ornalasýǵa járdemdesý úshin 6408 adamnan túıindeme qabyldandy, onyń ishinde 708 adam — qurylys alańdarynda jumys isteýge ótinish berdi. Jumyspen qamtýdyń jol kartasyn júzege asyrý nátıjesinde 47 jańa nysan, onyń ishinde 31 áleýmettik nysan salynady»,– dedi Danııar Álkebaıuly.

Sonymen qatar, ol ótinish berý úshin (ótinish berýshiler men jumys berýshilerge) Jumyspen qamtý ortalyǵynyń saıty (cz-almaty.kz ) jumys isteıtinin, onda qabyldanǵan sharalar týraly tolyq aqparat bar ekenin atap ótti.