«Jol kartasy» jobasynyń áli de jalǵasyn tabatynyna qýandym - A. Saılaýqyzy
Y. Qarashanyń 16-sy. QazAqparat /Ádilet Musahaev/ - «Daǵdarys kezeńindegi qosymsha jumys kózi, ári jer-jerdegi eldi mekenderdiń ınfrastrýktýrasyna oń serpilis ákelgen «Jol kartasy» jobasynyń áli de jalǵasyn tabatynyna qýandym»,
deıdi jýrnalıst Alma Saılaýqyzy QazAqparat tilshisine bergen suhbatynda.
«Prezıdent Nazarbaevtyń eldiń basty arnalarynan tikeleı efırde bergen suhbatyn ózge otandastarymyz sekildi men de tamashaladym. Sábıiniń bolashaǵyna beıjaı qaraı almaıtyn kóptegen ata-ananyń biri bolǵandyqtan, qoǵam tynysy, eldegi ózgeristerden men de habardar bolyp otyrýǵa tyrysamyn.
Eń aldymen, halyqtyń kókeıinde júrgen máseleler nazardan tys qala ma degen ýaıymym beker bolǵanyna qýandym. Shyn máninde biraz másele kóterilip, túıtkildi suraqtarǵa jaýap alyndy. Astyqty mol jınaǵan dıqandarymyzdyń sol ónimdi qaıda ótkizerin bilmeı abdyraǵan kóńilderine úmit otyn jaqqan Elbasymyzdyń ýádesi de senim uıalatady.
Sondaı-aq keı oblystardaǵy jasóspirimder qylmysy máselesi de respýblıka tóńireginde kóterilip, oǵan tikeleı jaýapty laýazym ıelerinen sol mezette jaýap alýy da kóptiń kóńilinen shyqty dep oılaımyn. «El bolamyn deseń, besigińdi túze» dep Muhtar Áýezov aıtqandaı, balalar men jastar tárbıesine tııanaqty bolmasaq, bolashaǵymyzdyń da jarqyn bolýy ekitalaı dúnıe ekendigi árkimge aıan ǵoı.», deıdi Alma Saılaýqyzy.
