Jol kartasy jobalaryn iske asyrý barysynda elimizde 129 myńǵa jýyq adam jumysqa ornalasty. - Gúlshara Ábdihalyqova
ASTANA. 14 jeltoqsan. QazAqparat /Marlan Jıembaı/ - Osy jylǵy 11 aıdyń qorytyndysy boıynsha Jol kartasy jobalaryn iske asyrý barysynda elimizde 129 myńǵa jýyq adam jumysqa ornalasty. Bul týraly búgin 2010 jyldyń 11 aıyndaǵy áleýmettik-ekonomıkalyq damýdyń qorytyndysyna arnalǵan Úkimet otyrysynda Eńbek jáne halyqty áleýmettik qorǵaý Gúlshara Ábdihalyqova málim etti.
«Jol kartasy jobalaryn iske asyrý kezinde elimizde aǵymdaǵy jyly shamamen 133 myń jumys orny qurylyp, olarǵa 129 myńǵa jýyq adam jumysqa ornalasty. Bul qurylǵan jumys oryndarynyń 96,6 paıyzyna teń», - dedi mınıstr.
Mınıstrdiń atap ótýinshe, bul oraıda shamamen 89 myń adam nemese jumysqa ornalasqandardyń 70 paıyzy jumyspen qamtý organdarynyń joldaýy boıynsha ornalasqan. Onyń 17 myńy ataýly áleýmettik kómek alatyn, turmysy tómen otbasy músheleri.
Jol kartasy jobalarynda jumys isteıtin qyzmetkerlerdiń ortasha jalaqysy 35 myń teńgeni quraıdy.
