Jol kartasy: ShQO-da 20 myńnan astam jumys orny quryldy
«Oblysta Jumyspen qamtýdyń jol kartasy aıasynda 742 joba máresine jetip, sonyń nátıjesinde 20 myńnan astam jumys orny quryldy. Premer-Mınıstr Asqar Mamınniń tapsyrmasy boıynsha aldaǵy ýaqytta osy baǵyttaǵy jumys jandana túspek. Búginde óńirde 819 ınfraqurylymdyq joba júzege asyrylýda. Qabyldanǵan sharalar barlyq qalalar men aýyldarda áleýmettik, ınjenerlik ınfraqurylymnyń jańarýyna yqpal etti», - dedi ol.
Oblys ákiminiń aıtýynsha, Óskemen qalasy men Úrjar aýdanyndaǵy áýejaı keshenin jańǵyrtý, Alakól jaǵalaýyna ınjenerlik jeliler salý sııaqty iri jobalardy iske asyrý, týrızmdi jáne ekonomıkany damytýǵa serpin beredi.
«Jol kartasy halyqty jumyspen qamtý quraly ǵana emes, qıyn kezeńde óńirdiń ekonomıkalyq ósýi men bıznestiń iskerlik belsendiligin arttyrýǵa jol ashty», - dedi Danıal Ahmetov.
