«Jol kartasy» bıyl da jalǵasady» - respýblıkalyq basylymdarǵa sholý

***

«Egemen Qazaqstan» gazetiniń QR Prezıdenti baspasóz qyzmetine silteme jasap habarlaýynsha, Memleket basshysy Nursultan Nazarbaev «Syrbar» syrtqy bar­laý qyzmetiniń dırektory Aman­jol Janqulıevti jáne «QazMunaıGaz» UK AQ basqarma tóraǵasy Qaıyrgeldi Qabyldındi qabyldady. Elbasy A.Janqulıevke «Syr­bar» qyzmetin jetildirý jáne nyǵaıtý jóninde naqty tap­syrma bergen. Al Q.Qabyldın Prezıdentke kompanııanyń 2009 jylǵy jumys qorytyndysy jáne aǵymdaǵy jylǵa arnalǵan jospary týraly baıandaǵan. Ol 2008 jylmen salys­tyr­ǵanda munaı óńdeý 104 paıyzǵa jetkendigin, sonymen qatar ınvestıtsııalyq strate­gııa­ny júzege asyrý aıasynda «QazMunaıGaz» «Mańǵystaý­mu­naı­gaz» AQ, «Pavlodar MHZ» JShS, «The Rompetrol Group» (Rýmynııa) kompanııalarynyń jalpy quny 540 mıllıard teńge bolatyn qosymsha aktıvterin ıe­lengendigin atap ótken.

Keshe Úkimet úıinde Kárim Másimovtiń tóraǵalyǵymen kezekti selektorlyq keńes bolyp ótti. Onda «Jol kartasy» jáne jańa zańnamaǵa sáıkes el oblystarynda arnaıy mal soıatyn oryndardyń uıymdastyrylýy týraly máseleler qaraldy. Osyǵan oraı «Egemen Qazaqstan» gazetinde «Jol kartasy» bıyl da jalǵasady» degen taqyryppen maqala jarııalandy. Keńes barysynda Eńbek jáne halyqty áleýmettik qorǵaý mınıstri ótken jyldyń úzdik baǵdarla­masy sanalǵan «Jol kar­ta­syna» bıyl respýblıkalyq bıýdjetten 100 mlrd. teńge bólinetindigin aıtqan. Oǵan jergilikti bıýdjetterden 43,1 mlrd. teńge qosymsha qarjylan­dyrý kózi qosylady. «2010 jyly 3 myń nysanǵa jóndeý jumys­tary júrgiziletin bolady. Al tek ınvestıtsııalyq jobalarda 130 myń jumys orny ashylmaq. Ne­giz­gi qarjy kólemi turǵyn úı-kom­mýnaldyq sharýashylyǵyn qaıta jóndeý jumystaryna jum­sal­maq. Oǵan 7,9 mlrd. teńge bó­linse, jol jóndeý jumystaryna 9,1 mlrd. teńge, áleýmettik ma­ńyz­daǵy nysandarǵa (mektep, aý­rý­hana) 40 mlrd. teńge bólinbek», depti G.Ábdihalyqova.

Atalǵan keńes týraly tarqata jazǵan «Aıqyn» basylymynyń habarlaýynsha, 2009 jyly júrgizilgen baqylaý sharalary nátıjesinde zańnamany saqtamaǵan 325 laýazymdy tulǵa tártiptik jaýapkershilikke tartylǵan. 54 laýazymdy tulǵany qarjylyq baqylaý organdary ákimshilik turǵydan jaýapqa tartyp, olarǵa jalpy somasy 7,7 mıllıon teńge kóleminde aıyppul salǵan. Jarııalanym basylym betinde «Mınıstr máseleni qabyrǵasynan qoıdy» degen taqyryppen berilgen.

Al osy taqyrypqa toqtalǵan «Alash aınasy» gazeti «Qabyldanǵannan beri 5 aı ótse de basy daýdan arylmaǵan «Veterınarııa týraly» zań jobasy Úkimettiń keshegi selektorlyq otyrysynda taǵy bir márte «soqqy» jedi. Sebebi otyrysqa Aýyl sharýashylyǵy mınıstri Aqylbek Kúrishbaev bir qap shaǵym arqalap kelipti. Qolyna baıandama tizgini tıisimen bas dıqan jarty jyl buryn kúshine ense de, zań jobasynda kórsetilgen veterınarlyq-sanıtarlyq normalardyń saqtalmaı otyrǵanyn jaıyp saldy», dep jazady.

«Ótken jylǵa - oń baǵa, bıylǵa - bes mindet». Osy taqyryppen «Egemen Qazaqstan» gazetinde jarııalanǵan maqalada keshe Prezıdenttik mádenıet ortalyǵynda Úkimet basshysy Kárim Másimovtiń qatysýymen Mádenıet jáne aqparat mınıstrliginiń keńeıtilgen alqa otyrysy jaıynda baıandalǵan. Basylymnyń jazýynsha, Mádenıet jáne aqparat mınıstri Muhtar Qul-Muhammed ótken jylǵy jumystardy qorytyndylap, 2010 jyly atqarylatyn mindetterdi aıqyndap bergen. «Mınıstr jumystyń mańyzdy bir bóligi otandyq mádenıetti shetelderge nasıhattaý ekenin aıtty. Máselen, ótken jyly Qazaqstannyń mádenıet kúnderi Eýropa, ıslam jáne TMD-nyń birtalaı elderinde keń aýqymda ótip, 50 myńnan astam adam Qazaqstannyń ónerimen sýsyndaǵanyn, ásirese Birikken Arab Ámirligi, Belarýs, Túrikmenstan, Saýd Arabııasy, Iordanııada mádenı sharalardyń óte joǵary deńgeıde ótkendigin tilge tıek etti. Qazaqstannyń Germanııadaǵy jylynda elýden astam mádenı is-shara ótken», dep jazady basylym.

Al osy mınıstrliktiń alqa otyrysyna keńinen toqtalǵan «Aıqyn» gazeti «Jańa baǵdarlamada memlekettik tildi damytýǵa basymdyq beriledi» degen taqyryppen maqala basqan. Mádenıet jáne aqparat mınıstrliginiń dereginshe, qazaq tilin úıretýdiń biryńǵaı ádistemesi túzilgen. Qoldanystaǵy qazirgi ádistemelik bazaǵa qosymsha, 2009 jyly 260 myń dana taralymmen 8 sózdik jáne qoǵam ómiriniń san alýan salalary boıynsha oryssha-qazaqsha 10 tilashar jaryq kórgen.

***

«Aıqyn» gazetiniń dástúrli «Aq sóıle!» aıdarynyń búgingi qonaǵy - Qazaqstannyń Túrkııadaǵy Tótenshe jáne Ókiletti Elshisi Baǵdad Ámireev. Basylymnyń santúrli saýaldaryna tushymdy jaýap bergen elshiniń suhbatyn basylymnyń búgingi nómirindegi «Elbasynyń túrki dúnıesine qatysty barlyq usynystary júzege asýda» taqyrybymen berilgen materıaldan oqı alasyzdar.

***

«Alash aınasy» gazetiniń jazýynsha, Taılandtyń sot organdary áskerı júkpen ustalǵan qazaqstandyq ushqyshtardy kepildikpen bosatý týraly ótinishti maquldamaǵan. Bul týraly keshe QR Syrtqy ister mınıstrliginiń resmı ókili Asqar Ábdirahmanov aptalyq brıfıngte málim etti.

«Qazirgi ýaqytta elimizdegi gemofılııamen aýyratyn 1500-den astam adam memleketten beriletin tegin dári-dármekterdi ala almaı otyr. Oǵan sebep: Densaýlyq saqtaý mınıstrliginiń tender ótkizemiz degen jospary júzege aspaı qalyp barady», dep jazady «Alash aınasy» gazeti. Jazylǵan jaıttyń egjeı-tegjeıin basylymnyń seısenbilik sanynda jaryq kórgen «Tenderdiń jyry aýrýdyń zaryna aınaldy» degen maqaladan oqı alasyzdar.

«Kazahstanskaıa pravda» gazeti qańtardyń 22-sinde ótken Elbasy N.Nazarbaev pen Úkimet músheleriniń eseptik kezdesýine toqtalǵan. Memleket basshysy Úkimettiń ótken jylǵy eldiń áleýmettik-ekonomıkalyq damý qorytyndylary týraly esebin tyńdady. Kezdesý barysynda Prezıdent Mınıstrler kabıneti múshelerine búgingi tańda Qazaqstannyń aldynda turǵan birqatar strategııalyq tapsyrmalardy aıqyndap bergen.

«Izvestııa-Kazahstan» basylymynyń jazýynsha, elimizdiń kommýnaldyq ınfraqurylymy nysandarynyń tozý deńgeıi ortasha eseppen 70 paıyzy quraıdy. Bul jaıynda keshe Májiliste ótken úkimet saǵatynda QR Qurylys jáne turǵyn úı-kommýnaldyq sharýashylyq isteri agenttiginń tórǵasy Serik Nokın aıtqan. S.Nokınniń aıtýynsha, búgingi kúni turǵyn úı-kommýnaldy sala kiristi isterdiń biri bolyp otyr. Qurylystyń jáne turǵyn úı-kommýnaldyq sharýa­shy­lyqtyń ІJÓ-degi jalpy úlesi 8,2 paıyz bolsa, osy salada jumys isteıtinderdiń sany jal­py elimiz boıynsha halyqtyń 10 paıyzyn quraıdy.

Májilistegi úkimet saǵaty «Egemen Qazaqstan» basylymynyń nazarynan da tys qalmaǵan.