«Jol kartasy» baǵdarlamasynyń aıasynda aǵymdaǵy jyly 137 mádenıet nysanynda jóndeý jumystary júrgizilýde - Mádenıet mınıstrligi
ASTANA. Qyrkúıektiń 22-si. QazAqparat /Serik Sabekov/ - «Jol kartasy» baǵdarlamasynyń aıasynda aǵymdaǵy jyly 137 mádenıet nysanynda jóndeý jumystary júrgizilýde.
Bul týraly Mádenıet mınıstri Muhtar Qul-Muhammed Parlament Senaty Áleýmettik-mádenı damý komıtetiniń múshelerimen bolǵan kezdesýde málim etti.
Bul kezdesýge aýyldardaǵy mádenıet nysandarynyń damýyn zańnamalyq qamtamasyz etý máselesi arqaý bolǵanyn aıta ketý kerek.
Mınıstr óz sózinde atap kórsetkendeı, jalpy bólingen qarjynyń kólemi 4,5 mıllıard teńgeni qurap otyr, onyń 2, 696 mıllıardy - respýblıkalyq bıýdjetten, 1,866 mıllıard teńgeden astamy - jergilikti bıýdjetterden qarastyrylǵan. «Jol kartasy qolǵa alynǵan eki jyldyń ishinde 127 mádenıet nysanynda kúrdeli jóndeý jumystary, 191 nysanda - aǵymdaǵy jóndeý jumystary júrgizildi», dedi Q.Muhammed óz sózinde.
