«Jol kartasy» aıasynda jastar tájirıbesimen qamtý kólemi 13,5 ese ósti
ASTANA. 24 aqpan. QazAqparat /Arman Asqarov/ - 2008 jyldyń kórsetkishterimen salystyrǵanda, «Jol kartasy» jospary aıasynda jastar tájirıbesimen qamtý kólemi 13,5 ese ósti.
Bul týraly búgin Astana qalasynyń máslıhatynda baıandama jasaǵan Astana qalasynyń Jumyspen qamtý jáne áleýmettik baǵdarlamalar basqarmasynyń bastyǵy Alma Altybaeva habarlady.
Onyń málimeti boıynsha 2009-2010 jyldarǵa arnalǵan «Jol kartasy» josparyn iske asyrý kezinde Astanadaǵy 445 kásiporynmen arnaıy kelisimsharttar jasalyp, joǵary oqý ornyn támamdap shyqqan jastarǵa arnalǵan 3 myńǵa jýyq jumys orny ashyldy. Osynyń arqasynda 2 949 túlek óz mamandyqtary boıynsha tájirıbe jınaqtap, memlekettik bıýdjettiń esebinen jalaqy alyp turdy. «Jalpy, 2008 jyldyń kórsetkishterimen salystyrǵanda, 2009-2010 jyldarǵa arnalǵan «Jol kartasy» aıasynda jastar tájirıbesimen qamtý kólemi 13,5 ese ósti», - deıdi A.Altybaeva.
