Jol kartasyna engen óńirlerdegi bazarlardyń sany artýy múmkin

ASTANA. KAZINFORM – QR Saýda jáne ıntegratsııa mınıstrligi Saýda komıtetiniń tóraǵasy Aıdar Ábildabekov bazarlaryn damytý jospary týraly túsinik berdi. 

«Saýda ınfraqurylymyn damytý jumystary jalǵasyp jatyr. Zamanaýı saýda formatynyń úlesi 33 paıyzǵa deıin jetti. Onyń ishinde 19 bazardy jańǵyrtý, saýda ortalyqtaryn salý jáne ónimdi saqtaý ınfraqurylymyn damytý esebinen iske asty. Atap aıtqanda, bazarlardy jańǵyrtý jumysy erekshe baqylaýda tur», - dedi A. Ábildabekov Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, saýda bazarlaryn damytý jóninde jol kartasy bekitildi.

«Jalpy, jol kartasy aıasynda 75 bazardy jańǵyrtý kózdelgen. Qazir saýda bazarlary qala qurylysy, sanıtarlyq ári órt standarttaryna sáıkes kele bermeıdi. Sondyqtan, biz qazir óńirlerge baryp, bazarlardy jańǵyrtý boıynsha júrgizilip jatqan jumystarǵa monıtorıng jasap, jańǵyrtýy qajet obektilerdi anyqtap jatyrmyz. Qazirgi kezde qosymsha 64 jańǵyrtylýy qajet saýda bazary anyqtalǵan. Bul turǵyda taıaýda jol kartasyna ózgeris engizbekpiz», - dedi vedomstvo ókili.