Jol ınfraqurylymyn saqtaý úshin jańa tehnologııalar engizilmek
ASTANA. KAZINFORM — Respýblıkalyq avtojoldardyń saqtalýyn qamtamasyz etý maqsatynda joldar boıyna 46 avtomattandyrylǵan ólsheý stantsııasy ornatyldy, onyń 24-i 2025 jyly iske qosyldy. Bul týraly «QazAvtoJol» kompanııasy málimdedi.
Sonyń nátıjesinde olardyń sany bir jylda eki esege ósti.
— Bul júıeler kólik quraldarynyń salmaǵy, gabarıti, nómiri men basqa da parametrlerin avtomatty túrde tirkep, derekterdi ýákiletti organdarǵa joldaıdy. 2028 jylǵa deıin mundaı stantsııalar sany 126-ǵa deıin jetkiziledi. Bul sharalar jol ınfraqurylymyn saqtaýǵa jáne bıýdjet qarajatyn tıimdi paıdalanýǵa múmkindik beredi, — delingen habarlamada.
Eske sala keteıik, bıyl 9 myń shaqyrymǵa jýyq avtojol jóndeledi. Onyń ishinde 3400 shaqyrymda qurylys jəne qaıta jańartý jobalary, 324 shaqyrymda – kúrdeli jóndeý jáne 5200 shaqyrymda – ortasha jóndeý jasalady. Sondaı-aq apattyq qaýipti jaǵdaıda turǵan 53 kópirdiń jóndeý jumystaryna erekshe kóńil bólinbek.
