Jol erejesin óreskel buzý faktileri 2 ese kóbeıgen
ASTANA. KAZINFORM — Іshki ister mınıstri Erjan Sádenov Úkimet otyrysynda el aýmaǵynda jol erejesin buzý faktilerin avtomatty túrde tirkeıtin neshe kamera bar ekenin aıtty.
«Mınıstrlik joldarda tártip ornatý baǵytynda úlken jumys júrgizip jatyr. Basty nazar — profılaktıka. Bıyl jol erejesin buzý 58%, qarsy jolaqqa shyǵý derekteri 70% kóp anyqtaldy. Ustalǵan „mas“ júrgizýshilerdiń sany 15% ósip, bári, ákimshilik qamaýǵa alyndy. Mas kúıinde qaıta kólik tizgindeý faktileri boıynsha qozǵalǵan qylmystyq isterdiń sany 20% kóbeıdi. Óreskel buzýshylardy quqyǵynan aıyrý 2 esege ósti», — dedi mınıstr.
Onyń aıtýynsha, Qazaqstan qalalarynda jol qozǵalysyn baqylaıtyn 24 myńnan astam kamera jumys istep tur.
«Qalalarda jol erejelerin buzýdy tirkeıtin 24 myńnan astam avtomatty kamera ornatyldy. Patrýldik avtokólikterdi buzýshylyqtardy tirkeıtin júıelerimen jabdyqtap jatyrmyz. Búgin osyndaı júıelerdi marshrýttyq avtobýstar, jedel járdem jáne memlekettik avtokólikterge ornatý máseleleri pysyqtalýda. Bul bastama Prezıdentke baıandaldy», — dedi ol.
