Jol erejesin buzýmen tanylǵan blogerge izdeý jarııalandy
ALMATY. KAZINFORM — Almaty polıtsııasy jol qozǵalysy qaǵıdalaryn buzǵany úshin buǵan deıin quqyq qorǵaý organdarynyń nazaryna birneshe ret ilikken 28 jastaǵy bloger Nazar Rollandy izdestirip jatyr.
Bul týraly aqparat quqyqtyq statıstıka jáne arnaıy esepke alý organdarynyń qamqor.gov.kz portalynda jarııalandy. Ondaǵy málimetke sáıkes, is 2026 jyldyń 14 qazanynda tirkelgen. Bastamashy — Qazaqstan Respýblıkasy Іshki ister mınıstrligi, al izdestirý jumystaryn Almaty qalasy Almaly aýdandyq polıtsııa basqarmasy júrgizip jatyr.
Bloger izdestirilýiniń sebebi ashyq derekkózderde kórsetilmegen. Osyǵan baılanysty Kazinform agenttigi Almaty qalasynyń polıtsııa departamentine saýal joldady.
Eske salaıyq, Nazar Rollan áleýmettik jelilerde jol qozǵalysy qaǵıdalaryn buza otyryp túsirgen beınerolıkteri arqyly tanylǵan. Máselen, 2018 jyly ol Ál-Farabı dańǵylynda kólikti qarsy qozǵalys jolaǵymen júrgizip, áreketin kameraǵa túsirgen. Keıin 1998 jylǵy júrgizýshige qatysty bes ákimshilik hattama toltyryldy.
2019 jyly Nazar Rollan taǵy da ákimshilik jaýapkershilikke tartyldy. Porsche avtokóligin basqarǵan blogerdi polıtsııa qyzmetkerleri Dostyq kóshesi men Abaı dańǵylynyń qıylysynda toqtatqan. Ol QR ÁQBtK 608-babynyń 6-bóligi boıynsha, ıaǵnı kólik quralyn alkogoldik masań kúıde basqarǵany úshin 20 táýlikke ákimshilik qamaqqa alyndy.
Buǵan deıin Almatyda beıádep sózdermen kontent túsiretin eki bloger qamaldy.
