Jol erejesin buzyp, ózgelerge qaýip tóndirgen jastar jaýapqa tartyldy
JEZQAZǴAN.KAZINFORM - PD jedel basqarý ortalyǵynyń kezekshi ofıtserleri beınebaqylaý kameralary arqyly qala kóshelerine monıtorıng júrgizý barysynda jol qozǵalysy erejelerin óreskel buzý faktilerin anyqtady.
Tekserý nátıjesinde quqyq buzýshylyq jasaǵan 8 jas júrgizýshi anyqtalyp, zańnamaǵa sáıkes ákimshilik jaýapkershilikke tartyldy. Olar jol erejesin buzyp, basqa júrgizýshilerge qaýip tóndirip, avarııalyq jaǵdaı týǵyzǵan.
Polıtsııa jol qaýipsizdigin qamtamasyz etý baǵytyndaǵy jumysty táýlik boıy úzdiksiz júrgizedi. Jol qozǵalysy erejelerin óreskel buzýdyń árbir deregi boıynsha zań aıasynda tıisti sharalar qabyldanady.
Saqshylar azamattardy, ásirese jas júrgizýshilerdi, jol qozǵalysy erejelerin qatań saqtaýǵa, óz ómiri men ózge jol qozǵalysyna qatysýshylardyń qaýipsizdigine jaýapkershilikpen qaraýǵa shaqyrdy.
Aıta keteıik, Pavlodar oblysynda bir táýlikte 433 jol qozǵalysy erejesin buzý deregi tirkeldi.
