Jol erejesin buzǵan moped júrgizýshilerine jaza qatańdatylady

ASTANA. KAZINFORM — Erteńnen bastap moped júrgizýshisi mehanıkalyq kólik quraldarynyń júrgizýshilerine júktelgen jaýapkershiliktiń barlyq spektrin kóteredi.

Мопед мотоцикл транспорт Көлік
Фото: Мақсат Шағырбаев/ Kazinform

Bul týraly ІІM Ákimshilik polıtsııa komıtetiniń tóraǵasy Qaısar Sultanbaev aıtty.

— Eger buryn jol júrisi qaǵıdalaryn buzǵany úshin moped júrgizýshileri Ákimshilik quqyq buzýshylyq kodeksiniń 615-baby boıynsha 2 aılyq eseptik kórsetkish aıyppulmen jol qozǵalysyna ózge de qatysýshylar retinde jaýapkershilikke tartylsa, 2025 jylǵy 5 sáýirden bastap, moped júrgizýshisi mehanıkalyq kólik quraldarynyń júrgizýshilerine júktelgen jaýapkershiliktiń barlyq spektrin kóteretin bolady. Mysaly, baǵdarshamnyń tyıym salý belgisine ótkeni úshin moped júrgizýshisine 10 aılyq eseptik kórsetkish mólsherinde aıyppul salynady, — dedi ol Ortalyq kommýnıkatsııalar qyzmetindegi brıfıngte.

Sonymen qatar komıtet basshysy mas kúıde moped júrgizetinderge basa nazar aýdardy.

— Qazir mopedti alkogoldik masań kúıde basqarǵandarǵa Ákimshilik quqyq buzýshylyq kodeksiniń 440-baby boıynsha qoǵamdyq oryndarda masań kúıde bolǵany úshin jaýapty bolady jáne 5 aılyq eseptik kórsetkish mólsherinde aıyppul salý jazasy qoldanylady. Ákimshilik quqyq buzýshylyq kodeksiniń 608-baby boıynsha normalar qabyldanǵannan keıin moped júrgizýshisi alkogoldik masań kúıde kólik quralyn júrgizgeni úshin jaýapty bolady jáne sanktsııa 15 táýlikke ákimshilik qamaqqa alýdy jáne 7 jyl merzimge kólik quralyn basqarý quqyǵynan aıyrýdy kózdeıdi, — dedi Qaısar Sultanbaev.

Komıtet tóraǵasynyń atap ótýinshe, mopedti júrgizý úshin A, A1 nemese V sanatymen júrgizýshi kýáligi qajet. Avtokólikti tirkeý qaǵıdalaryna qajetti túzetýler engizildi. Búgingi kúni 24 myńǵa jýyq moped tirkelip, 2 myńnan astam A jáne A1 sanatty júrgizýshi kýáligi berildi.

Mopedterdi tirkeý úshin:

— jeke basyn kýálandyratyn qujattardy usyný (elektrondy túrde bolýy múmkin), tehnıkalyq qujatty nemese mopedtiń tehnıkalyq sıpattamalary týraly málimetterdi usyný;

— ótinishti toltyrý, mopedti qarap-tekserý jáne mopedti tirkegeni úshin memlekettik bajdardy tóleý (0,25 AEK nemese 983 teńge), tirkeý týraly kýálik berý (1,25 AEK nemese 4 915 teńge) jáne memlekettik nómir (1,4 AEK nemese 5 505 teńge) jetkilikti.

Osyǵan deıin Іshki ister mınıstriniń orynbasary Igor Lepeha Májilistiń jalpy otyrysynan keıin mopedin tirkep úlgermegen qazaqstandyqtarǵa úndeý jasady.

Сейчас читают