Jol erejesin buzǵany úshin salynatyn aıyppuldy onlaın rejimde tekserýge bolady - Astana
ASTANA. QazAqparat - Elordada jol qozǵalysy qaýipsizdigin qamtamasyz etý, ereje buzýǵa baılanysty qoldanylatyn aıyppuldardy ýaqytynda tóleý qaǵıdasyn qalyptastyrý maqsatynda qala ákimdiginiń qoldaýymen respýblıkada tuńǵysh ret «Tirshilik áreketin keshendi qamtamasyz etý júıesi» atty jańa tehnologııa engizilip otyr, dep habarlady «Astana aqshamy» basylymy.
Endi kólikke jol qozǵalysy erejelerin buzǵany úshin salynǵan aıyppuldardy smart.astana.kz saıtynda onlaın rejımde tekserýge bolady. Tıisti aqparatty alý úshin avtomobıldiń jáne tehnıkalyq tólqujattyń nómirin engizý kerek. Jańa qyzmet Astana qalasynyń álemniń damyǵan otyz «smart» qala¬synyń qataryna enýi jónindegi sharalar aıasynda usynylyp otyr. Endi bir ýaqytta birneshe jol erejesin buzý jaǵdaılaryn (jyldamdyqty arttyrý, baǵdarshamnyń tyıym salynǵan belgisine júrý jáne belgiden asyp toqtaý) avtomatty foto jáne beınetirkeý júıesi arqyly anyqtaýǵa bolady. Búginde beınebaqylaý kameralary qalanyń kólik aǵyny úlken qıylys¬ta-rynda ornatylǵan. Qurylǵylar joldyń kez kelgen bóligindegi ereje buzýshylyq kórinisterin udaıy baqylap turady.
