Jol erejesin buzǵan júrgizýshige aıyppul týraly telefonyna habarlama jiberiledi
ALMATY. QazAqparat – Almaty polıtsııasy jol erejesin buzǵany úshin aıyppuldar júrgizýshiniń telefonyna keletin bolǵanyn habarlady.
Departament taratqan aqparatqa sáıkes 2020 jyldyń qańtarynan bastap QR ÁqbK 743-babynyń 4-1 bólimine tolyqtyrý engizilgen.
«Aıyppuldy tóleý týraly habarlandyrý haty mátindik habarlama retinde egov portalynda kólik ıesi ózi kórsetken uıaly baılanys nómirine jiberiledi. Bul bapqa sáıkes ákimshilik jazaǵa tartylǵan tulǵa ózi kórsetken mekenjaı men elektrondy poshta, telefon nómirin durys kórsetýge mindetteledi», - dedi qalalyq PD Ákimshilik polıtsııa basqarmasynyń basshysy Jandos Muratalıev.
Atalǵan baptyń 6-7 bólimderine sáıkes adresat habarlamany alýdan bas tartqan jaǵdaıda bul týraly quzyrly organnyń laýazymdy tulǵasyna málimet jiberiledi.
Alaıda bul ákimshilik is qozǵaýǵa kedergi bolmaıdy.
