Jol erejesin buzǵan samokatshylarǵa aıyppul salý kúshine endi
Prezıdent 29 maýsym kúni «Jol qozǵalysyn uıymdastyrý máseleleri boıynsha keıbir zańnamalyq aktilerge ózgerister men tolyqtyrýlar engizý týraly» Zańǵa qol qoıǵan edi. Atalǵan zań búgin kúshine endi.
Osy zań arqyly «Jol qozǵalysy týraly» zańǵa túzetýler engizildi, olar kólik quraldarynyń jańa túrleriniń – «Elektr skýteri» men «Shaǵyn elektr kólik quraldarynyń» mártebesin anyqtady. Shaǵyn elektr kóligine gıroskýterler, sıgveıler, monokólikter, elektr skeıtbordtar jáne basqa túrleri jatady.
Al, elektrlik skýter – eki nemese úsh dóńgelegi bar, elektr qozǵaltqyshyn paıdalaný arqyly bir adamnyń qozǵalýyna arnalǵan, oryndyǵy joq, maksımaldy konstrýktıvtik jyldamdyǵy saǵatyna 25 shaqyrymnan aspaıtyn elektrli kólik quraly.
Qoldanystaǵy zańnamada osy zańbuzýshylyqtar úshin jaýapkershilik qarastyrylǵan. Osylaısha, quqyqbuzýshylyqtar anyqtalsa, olar ÁQBtK 593-baby (5 AEK aıyppul) nemese ÁQBtK 620-baby (eskertý nemese 3 AEK aıyppul) boıynsha jaýapqa tartylady.
Sonymen birge, samokattardy jalǵa beretin kıksherıngtik kompanııalar jalpy «josyqsyz klıentter tizimin» qurýdy usynyp otyr. Jol qozǵalysy erejelerin, jolaýshylar men júkterdi tasymaldaý erejelerin buzatyn, skýterdi durys emes jerde qaldyratyn paıdalanýshylarǵa barlyq kompanııa bir mezgilde qyzmet kórsetýden bas tartýy múmkin.
