Jol erejesin buzǵan astanalyqtarǵa salyq tóleý týraly eskertý berilmek
1 qazandaǵy kórsetkishke súıensek, kólik boıynsha 734 myń qazaqstandyqtyń qaryzy bar. Qaryzdyń jalpy mólsheri 18,9 mıllıard teńge. Onyń 13,9 mıllıardy negizgi qaryz bolyp otyr.
QR QM Memlekettik kirister komıtetiniń málimeti boıynsha, joǵaryda atalǵan somanyń 2,5 mıllıard teńgesin Astanada turatyn 80 myń avtokólik ıesi tóleýi tıis. Bul - respýblıkadaǵy qaryz mólsheriniń 13 paıyzy.
«Biz somalar boıynsha taldaý júrgizdik. Astanadaǵy bereshegi bar adamdardyń 86 paıyzynyń tóleıtin aqshasy 50 myń teńgege deıingi qarajat. ıAǵnı, tóleýi tıis adamdardyń 49 paıyzy 1-10 myń aralyǵyndaǵy salyq tóleýi kerek. Jalpy, salyq mólsheri tóleýshiler qınalatyndaı asa kóp emes. Sonymen qatar, 10-50 myń aralyǵynda aqsha tóleýi tıis qaryzy barlardyń úlesi - 37 paıyz (28 myń 800 adam). 100 myńnan 1 mıllıon teńgege deıin aqshany tóleýge mindetti adamdardyń úlesi bar-joǵy - 5 paıyz. Qaryzy 1 mıllıon teńgeden asyp ketken 191 adam bar. Bul jalpy qaryzy barlardyń 0,2 paıyzy», - deıdi QR QM MKD qaryz boıynsha jumys basqarmasynyń basshysy Aınur Kúlshikova brıfıng barysynda.
Onyń aıtýynsha, Astanada jaqyn ýaqytta salyq qaryzy týraly eskertý boıynsha reıd uıymdastyrylady.
«Ol reıdke bizdiń qyzmetkerlermen birge QR ІІM ákimshilik polıtsııa komıtetiniń, QR IDM ókilderi qatysady. Ol úshin «Sergektiń» keshendi múmkindikteri paıdalanylady», - deıdi ol.
Qaryzy bar adamdar týraly aqparat aldymen Investıtsııalar jáne damý mınıstrligine joldanatyn bolady. Ol jerde baza qurylyp, osydan keıin aqparat Astana qalasynyń ІІB jol-patrýldik qyzmetiniń planshetterine joldanbaq.
Aınur Kúlshikova sonymen qatar, kólik quraldary tek jol erejesin buzǵan jaǵdaıda toqtatylatynyn eskertti. Avtokólik ıesine eskertý berilgennen keıin salyq 30 kúnniń ishinde ótelmese memlekettik kirister organy salyq buıryǵyn shyǵaryp, ony sot oryndaýshylarǵa tabystaıtyn bolady.
