Jol erejesin buzǵan áreketi kameraǵa túsken júrgizýshiler aıyppuldy qalaı tóleıdi

Eń aldymen, Qazaqstan Respýblıkasynyń Ákimshilik quqyq buzýshylyq kodeksiniń 807-babyna sáıkes, quqyq buzýshylyq kameraǵa túsken jaǵdaıda, ákimshilik quqyq buzýshylyq týraly hattama túzilmeıdi jáne qaýly shyǵarylmaıdy. Bul qujattardyń ornyna, júrgizýshi JJE buzǵan jaǵdaıda ókiletti organ jasalǵan quqyq buzýshylyq negizinde uıǵarym shyǵarady.

Birinshi kezeńde, radar kesheni avtomatty túrde jyldamdyq rejımin buzǵanyn nemese avtobýs jáne stop-syzyqtaryn kesip ótkenin sýret jáne beınebaqylaý kameralary arqyly anyqtaıdy. Keıinnen sýret jáne beıne materıaldar Ákimshilik polıtsııa basqarmasy (ÁPB) ınspektory óńdeýi úshin óńdeý ortalyǵyna jiberiledi. Inspektor jazbalardy qarap, avtokóliktiń nómiri boıynsha tehnıkalyq tólqujat derekterin, sonymen birge kólik quralynyń ıesi týraly jeke aqparatty anyqtaıdy. Mańyzdy sátine kóńil bólý kerek: uıǵarym jolda júrý erejesin buzǵan kezde kólikti júrgizgen adamǵa emes, tehnıkalyq tólqujat derekteri boıynsha avtokólik ıesiniń atyna jasalady.

​Kelesi kezeńde Ákimshilik polıtsııa basqarmasy ınspektory AAІJ - tekserisin (avtomattandyrylǵan aqparattyq izdestirý júıesi) júrgizedi. Ol ýaqytta kólik quralynyń tirkelýi týraly aqparattar tekseriledi. Sýret beıne jazbadaǵy avtokólik derekteri tehnıkalyq tólqujatty tirkeý derekteri tehnıkalyq tólqujatty tirkeý derekterimen sáıkes kelmegen jaǵdaıda (marka, nómiri, túsi) buzýshylyq qabyldanbaıdy da, kóliktiń memlekettik nómiri tehnıkalyq tólqujatymen sáıkes kelmegen sebepten atalǵan kóliktiń baǵyttamasy týraly habarlama jasalynady. AAІJ - tekserisin keıin avtomatty túrde ÁPB ınspektorynyń qaıta tekserisinen ótedi de, sodan soń ǵana basyp shyǵarylǵan túrinde avtokólik ıesine aqyrǵy uıǵarym toltyrylady. Uıǵarym avtokólik ıesine tehnıkalyq tólqujatta kórsetilgen meken-jaı boıynsha "Qazposhta" bólimsheleri arqyly iske asatyn bolady.

Sonymen qatar, 15 qyrkúıekten bastap basqa qala kólikteriniń ıeleri men shetel nómirleri bar avtokólik júrgizýshileri Astanada júrgen saparynda 2 nemese odan da kóp JJE buzýshylyqtaryn jasaǵan jaǵdaıda, olar búlinisteri jáne aldaǵy aıyppul salynatyny týraly eskertiletin bolady. Bul máselelermen qalanyń ІІD JPQ patrýldik brıgadalary arnaıy planshet pen sýret jáne beıne jazý júıesine baılanysty mobıldik qosymshalar arqyly avtokóliktiń ornalasqan ornyn anyqtap otyratyn bolady. Atalǵan qosymshalar JPQ qyzmetkerlerine aqparatty jetkizý maqsatynda qurylǵan bolatyn.

Astananyń ákimshilik polıtsııasynyń uıǵarymy boıynsha aıyppul tóleý 

​Uıǵarymdy alǵan avtokólik ıesi aıyppuldy birneshe jolmen tóleı alady. Ekinshi deńgeıdegi banktiń qolma-qol esep aıyrysý bólimshesi nemese «Qazposhta» arqyly qolma-qol tóleý. Qolma-qol aqsha arqyly aıyppul tóleý banktiń tólemder júıesi men ІІM-niń «Baqylaý» atty AAІJ arqyly júzege asady. Nátıjesinde aıyppuldy tóledi degen habarlama tikeleı QR ІІM qoryna túsedi. Aıyppuldy tóleýdiń mundaı túrinde aıyppul túsetin bıýdjettik synyptama kodyn (BSK) - 204106 durys kórsetý kerek. BSK durys emes kórsetken jaǵdaıda, aıyppul ótelmeıdi. Qazirgi tańda, bul júıege ekinshi deńgeıdegi 17 bank qosylǵan. Odan bólek, aıyppuldy Kaspi tólem qyzmetterin kórsetetin termınaldar men «QIWI koshelek» termınaldar arqyly tóleýge bolady.

​Qolma-qol aqshasyz tólem túrleri de, ıaǵnı egov.kz portalynda tirkelý arqyly banktik kartamen aıyppuldy tóleý endi qoljetimdi. Sonymen birge ekinshi deńgeıegi bankterdiń ınternet-saıttary arqyly onlaın-tólem: mysaly, Qazqom tólem kartalarynyń ıeleri homebank.kz saıty arqyly aıyppuldy tóleı alady.

​Egov.kz saıtynda aıyppuldy tóleý úshin júrgizýshiniń jeke sáıkestendirý derekterin engizý kerek, atap aıtqanda avtokólikterdiń memlekettik tirkeý nómirleri jáne tehnıkalyq tólqujat nómiri. Aqparattyq terezede aıyppul men onyń somasy shyǵady, sodan soń «Tóleý» degen jazýdy basý kerek. Odan keıin, aıyppul ІІM derekqorynan joıylatyn bolady. Dál osyndaı jolmen bankterdiń ınternet-saıttary arqyly aıyppuldy tóleýge bolady.

​Sonymen birge, óte yńǵaıly ári zamanaýı tásil bar - ol aıyppuldy mobıldi qosymsha arqyly tóleý: JJE buzǵany úshin aıyppul tóleý qyzmetteri egov.kz, HandyPay, MyPay jáne telegram mobıldi qosymsha múmkin.

​Aıyppuldyń bar-joqtyǵyn tekserý úshin nemese telegram arqyly tólem jasaý úshin izdeý jolaǵynda @KazPostBot paraqshasynyń ataýyn terip, nusqaýlyqty saqtaý kerek. Joǵaryda kórsetilgen tásilder arqyly JJE buzǵany úshin aıyppuldar tólengen bolsa, arnaıy túbirtekti ákimshilik polıtsııa bólimshelerinde kórsetýdiń qajettiligi týyndamaıdy, sebebi aıyppuldardyń tólenýi týraly aqparattar avtomatty túrde ІІM-niń ákimshilik quqyq buzýshylyqtardy esepke alýdyń aqparattyq júıesine túsedi.

​Avtokólik júrgizýshileriniń nazaryna: aıyppuldy tekserý jáne oǵan qatysty tekseris - kóliktiń tirkeý nómiri men tehnıkalyq tólqujat nómirine sáıkes júzege asady. Osy oraıdy, barlyq júrgizýshilerge tehnıkalyq tólqujat jáne tólqujatta kórsetilgen turǵylyqty meken-jaı derekterin jańartýdy usynamyz.

Astana qalasynyń ákimshiligi, ІІD ÁPB barlyq avtokólik ıeleri jáne Elorda turǵyndary men qala qonaqtaryna jolda júrý erejelerin qatań saqtaýdy jáne qala kóshelerindegi buzýshylyqtarǵa jol bermeýdi ótinedi.