Jol erejesin buzǵan aqtaýlyq polıtseı jaýapqa tartyldy
AQTAÝ. QazAqparat - Aqtaýlyq polıtsııa qyzmetkeri jol erejesin buzǵany úshin jaýapkershilikke tartyldy. Aıppul kólemi úsh AEK-ti, ıaǵnı 6807 teńgeni qurady, dep habarlaıdy Lada.kz Mańǵystaý oblysynyń ishki ister departamentine silteme jasap.
17 qarasha kúni Mańǵystaý oblystyq ІІD Jergilikti polıtsııa qyzmetiniń jol-patrýldik qyzmetkeri baǵdarsham tusyndaǵy toqtaý qajettigin bildiretin jolaqtan asyp baryp toqtaǵany týraly vıdeo taraı bastady.
«Atalǵan derek boıynsha polıtsııa qyzmetkerine qatysty QR Ákimshilik quqyq buzýshylyq týraly kodekstiń 601-baby 1-bóligi (Jol belgilerimen nemese jol ústindegi jolaqtarmen kórsetilgen talaptardy saqtamaý) boıynsha ákimshilik hattama toltyrylyp, úsh aılyq eseptik kórsetkish kóleminde aıyppul tóleý túrindegi jaza taǵaıyndaldy», - dep málim etti ІІD-iniń baspasóz qyzmeti.
