Jol erejesi: Sheteldikter aıyppul tólemese elden shyǵarylmaıdy
ASTANA. QazAqparat - Qazaqstanda jol erejesin buzǵan sheteldikterge aıppuldy mindetti túrde tóletý talaby usynyldy. Bul týraly Májilistiń jalpy otyrysynda Іshki ister vıtse-mınıstri Berik Bısenqulov málim etti, dep habarlaıdy QazAqparat.
«Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zań jobasyn talqylaý barysynda depýtat Asylbek Smagulov Іshki ister mınıstrligi men UQK Shekara qyzmetiniń ókilderine jol erejesin buzatyn sheteldikterge qatysty suraq qoıdy.
«Bıyl biz qyrkúıek aıynda Shyǵys Qazaqstan oblysynda tıisti problemany aıtyp berdi. ıAǵnı, elimizdiń aýmaǵyna kórshiles elderdiń memlektettik nómirimen júretin avtomobıl júrgizýshileri Qazaqstanda jol erejelerin buzyp, jyldamdyq ólsheıtin quraldarǵa túsip qalady. Biraq olar sol quraldarǵa tússe de, jazalanbaı qutylyp ketedi. Máselen, bir avtomobıl jyldamdyq ólsheý quraldaryna 22 ret túsip, oǵan salynǵan aıyppuldardyń kólemi jarty mmıllıon teńgeden asyp ketse de, oǵan eshqandaı jaza qoldanylmaǵan. Árıne, oǵan osyndaı avtomobılderdiń Іshki ister organdary bazasynda tirkelmegeni sebep. Degenmen aıyppuldar óndirilmeı, al quqyq buzýshylar jazalanbaı qalǵanyn aıtpaǵannyń ózinde, búgingi kúnde joldarymyzdaǵy qaýipsizdikti qamtamasyz etýdiń ózi bizdi tolǵandyryp otyr. Іshki ister mınıstrligi men Ulttyq qaýipsizdik komıtetiniń Shekara qyzmeti Ákimshilik kodeks pen basqa da zańdarǵa osyndaı erejeni jıi buzatyn kólikter Qazaqstannyń memlekettik shekarasynan ótken kezde, olardyń júrgizýshilerine aıyppul tóleý qajettigi týraly habarlama berý múmkindigin kózdeıtin ózgeristerdi engizýdi qajet dep sanaı ma?», - dep surady depýtat.
Óz kezeginde QR Іshki ister vıtse-mınıstri Berik Bısenqulov depýtattyń usynysyna qoldaý bildirdi.
«Quqyq buzýshylyqqa jol bergen sheteldikterge toqtalsaq, shetel azamattary eldiń aýmaǵynan shyǵatyn kezde olardy toqtatýǵa qatysty Shekara qyzmetine tıisti ókilettikti berýdi usynamyz. Sonymen qatar bizde olardyń aqparattyq júıesimen ıntegratsııalanýdyń tehnıkalyq múmkindigi bar. Quqyq buzýshylyq boıynsha bizdiń barsha aqparattyq baza avtomatty túrde Shekara qyzmetiniń júıesine málimet bere alar edi, bul rette shekarada eskertý jasaý sharalaryn uıymdastyrýǵa bolady. Sonymen qatar ákimshilik aıppuldy tólegenge deıin sheteldikterdiń eldiń aýmaǵynan shyǵýyna zańnamalyq túrde tyıym salýdy engizý boıynsha máseleni qarastyrýdy usynamyz», - dedi vıtse-mınıstr.
