Jol boıyndaǵy ólim-jitimniń álemdik reıtıngisi quryldy
ASTANA. QazAqparat - Amerıkanyń Mıchıgan ýnıversıtetiniń ǵalymdarynyń esepteýinshe, jyl saıyn álemde jol apatynan árbir 100 myń turǵynǵa eseptegende orta eseppen 18 adam qurban bolady, dep habarlady auto.lafa.kz.
Bárinen de jol apattarynan Namıbııada adam shyǵyny kóp. Al eń azy - Maldıvada. Qazaqstanda 100 myń turǵynǵa shaqqanda jol apatynda qaza bolǵandardyń sany 22 adamdy qurady. Bul ortasha kórsetkishten joǵary.
AQSh-ta jol apatynan jyl saıyn 100 myń adamǵa shaqqanda 14 adam qurban bolady, Meksıkada - 13, Argentınada - 12, Kanadada - 8, Avstralııa men Frantsııada 7 adamnan keledi.
Postkeńestik memleketter zertteýinde kelesi elder boıynsha málimetter keltirilgen: Ázerbaıjanda jol apatynan 100 myń turǵynǵa shaqqanda orta eseppen 8 ólim jaǵdaıy tirkelgen, Túrkimenstanda - 10, Ózbekstanda - 11, Grýzııada - 12, Belorýs elinde - 19, Ýkraınada - 20, Qyrǵyzstanda - 21, Reseıde - 24.
