Jol boıyndaǵy medpýnktter qansha adamnyń ómirin saqtap qaldy
ASTANA. QazAqparat - Elimizdiń úlken joldarynda medıtsınalyq kómek kórsetetin 10 pýnkt jumys isteıdi. Bul týraly búgin Májilistegi dóńgelek ústel otyrysynda QR Іshki ister mınıstriniń orynbasary ıÝrıı Ilın málim etti, dep habarlaıdy QazAqparat.
Onyń aıtýynsha, Memleket basshysynyń tapsyrmasyna sáıkes 2012 jyly medıtsınalyq-qutqarý pýnkti qurylyp, búginde elimizdiń búkil aýmaǵynda mundaı pýnkttiń 40-y jumys istep tur. Árbir pýnktte bir reanımobıl jáne dáriger, feldsher, feldsher-dıspetcher, qutqarýshy, júrgizýshi-qutqarýshy qyzmetkerleri bar shuǵyl áreket etý brıgadasy jumys isteıdi. Sonymen qatar jol-kólik apaty oryn alǵan jerden zardap shegýshini aýrýhanaǵa jetkizý úshin tikushaq qonatyn arnaıy alań jasalǵan.
«Qurylǵan sátten bastap pýnktter jol-kólik oqıǵasy oryndarynan 7 myńnan astam shaqyrtý alyp, 7 myńnan astam zardap shegýshige kómek kórsetti. Olardyń ishinde 5 myńnan astam adam aýrýhanaǵa jetkizildi. Jol-kólik oqıǵasyna tap bolyp, óz erikterimen kelgen jolaýshylarǵa jáne taıaý eldi mekenderdiń turǵyndaryna 13 myńnan astam medıtsınalyq kómek kórsetildi», - dedi ol.
Sonymen qatar vıtse-mınıstr depýtattardyń nazaryn medıtsınalyq-qutqarý pýnktterin odan ary damytý qajettiligine aýdardy.
«Batys Eýropa-Batys Qytaı kólik-logıstıkalyq magıstraliniń damýyna baılanysty bul jelini odan ary damytý qajettiligi týyndap otyr. Degenmen, barynsha paıdaly baǵyttyń durys jumys isteýi jáne odan ary damýy úshin qarjylandyrý qajet», - dedi ıÝrıı Ilın.
