Jol boıyndaǵy qyzmet kórsetý nysandarynyń 68 paıyzy ǵana ulttyq standartqa saı keledi

NUR-SULTAN. QazAqparat – Jol boıyndaǵy zamanaýı qyzmet kórsetý nysandarynyń 68 paıyzy ǵana ulttyq standartqa saı keledi. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Taǵy bir ózekti másele – jol boıynda zamanaýı qyzmet kórsetý isin retke keltirý. Qazir elimizde osyndaı 1 600 nysan bar. Onyń 68 paıyzy ǵana ulttyq standartqa saı keledi. Tranzıt turǵysynan óte mańyzdy Túrkistan, Qaraǵandy jáne Mańǵystaý oblystaryndaǵy jaǵdaı óte nashar», - dedi Qazaqstan Prezıdenti.

Memleket basshysynyń atap ótýinshe, bıyldan bastap bızneske qyzmet kórsetý nysany qunynyń on paıyzy qaıtarylyp beriledi. Al nysanǵa kire beris joldar bıýdjet esebinen salynady.

«Sanıtarlyq toraptardy kútip ustaýǵa arnalǵan shyǵyndardy sýbsıdııalaý engizildi. Bıznes úshin barlyq jaǵdaı jasalǵan. endi ákimder jergilikti jerde sapaly jumys uıymdastyrýy qajet», - dedi Qasym-Jomart Toqaev.