Jol boıyndaǵy dárethanany retke keltire almaı otyryp, servıs jaıynda qalaı aıtamyz – Toqaev

KÓKShETAÝ. QazAqparat – QR Prezıdenti Qasym-Jomart Toqaev týrızm salasyn damytýdaǵy kedergilerdi atady, dep habarlaıdy QazAqparat tilshisi.

«Biz únemi Aqmola oblysy aıtarlyqtaı tabıǵı-rekreatsııalyq resýrstarǵa jáne mádenı mura nysandaryna baı ekenin aıtamyz. Biraq, onyń týrıstik áleýeti tolyqqandy paıdalanylmaı otyr. Búgingi kúni týrıstik salanyń jalpy ishki ónimdegi úlesi 0,5 paıyzdan aspaıdy», - dedi Qasym-Jomart Toqaev Aqmola oblysyn damytý máseleleri jónindegi keńeste.

Osy oraıda Memleket basshysy týrıster legine tosqaýyl bolatyn aıtarlyqtaı faktorlar bar ekenin basa aıtty.

«Eń qajetti jol boıyndaǵy dárethanalardy tártipke keltire almaı otyryp, servıs jaıynda qalaı aıta alamyz?!», - degen Qazaqstan Prezıdenti jol boıyndaǵy dárethanalardyń jıirkenishti jaı-kúıi únemi kóterilip kele jatqanyna basa nazar aýdartty.