Jol boıyndaǵy ájethanalar «jasyl tehnologııada» jumys isteıdi
NUR-SULTAN. QazAqparat - «Kazakh Tourism» UK AQ tóraǵasyyń orynbasary Tımýr Dúısenǵalıev jol boıyndaǵy sanıtarlyq-gıgıenalyq torap qurylysy týraly aıtyp berdi, dep habarlaıdy QazAqparat tilshisi.
«Memlekettik baǵdarlamalardyń birine sáıkes, jobalyq keńse quryldy. Bul baǵdarlama naqty qarajatpen bekitilgen. Týrızm kóptegen basqa salalarmen - kólik amandary, ekologtar, sharýalarmen baılanysty. Bizge kóbirek quziret berý úshin memleket jobalyq basqarý mehanızmin engizdi. Bizde Premerden jaýapty ákimge deıin vertıkal quryldy jáne «Kazakh Tourism» ǵımaratynda úılestirý ortalyǵy ashyldy», - dedi Tımýr Dúısenǵalıev «Kıeli Qazaqstan» salt attylar ekspedıtsııasyna arnalǵan baspasóz máslıhatynda.
Onyń aıtýynsha, jobalyq keńseniń basty máseleleriniń biri jol boıyndaǵy dárethana bolyp otyr.
«Álemde ony SGT - sanıtarlyq-gıgıenalyq torap dep ataıdy. Mundaı toraptyń 300-in «Qazavtojol» júıesi arqyly jyl sońyna deıin ornatý josparlanǵan. Olar túrli baǵytta iri joldardyń boıynda ornalaspaq. Endi «Týaletızatsııa» boıynsha jeke kompanııa bar», - dedi ol.
Sondaı-aq, bul dárethanalar «jasyl tehnologııa» prıntsıpinde jumys isteýi múmkin.
«Eshkim dalaǵa káriz qubyryn júrgizip otyrmaıdy. Sondyqtan, «jasyl tehnologııalar» qoldanylady. Bul joba áli talqylanyp jatyr, memleket belgili bir qarajatty bóldi. Bul qarajat sanıtarlyq-gıgıenalyq toraptyń ári qaraıǵy kútimine kerek», - dedi T. Dúısenǵalıev.
