Jol boıynda saýda jasaǵany úshin ustalǵan áıel kólik astyna túspekshi boldy

ALMATY. QazAqparat- Almaty qalalyq polıtsııa qyzmetkerleri arnaıy reıd kezinde Rozybakıev kóshesiniń boıynda zańsyz saýda jasap jatqan turǵyndardy anyqtady. Tekserýge narazylyq bildirgen saýdagerlerdiń biri kóliktiń astyna túspekshi boldy, dep habarlaıdy QazAqparat tilshisi.

Oqıǵanyń vıdeosy áleýmettik jelide tarady.

Beınejazbadan polıtseılerge narazylyq bildirip, ashýǵa boı aldyrǵan áıeldiń kósheniń ortasyna baryp jatyp alǵanyn kórýge bolady.

Óz kezeginde Almaty qalalyq polıtsııa departamenti Rozybakıev kóshesi boıyndaǵy kóterme bazar mańynda ornalasqan úılerdiń turǵyndarynyń kóptegen aryz-shaǵym túskenin málim etti. Osyǵan oraı Almaly aýdandyq polıtsııa bóliminiń ýchaskelik polıtsııa qyzmetkerleri atalǵan aýdan ákiminiń tapsyrmasy boıynsha jabaıy saýdanyn aldyn alý jáne joıý maqsatynda reıd júrgizdi.

«Quqyq buzýshylar arasynda –1962 jyly týǵan A. esimdi áıel boldy.

Ol polıtsııa qyzmetkerleriniń zańdy talaptaryna baǵynǵysy kelmeı jolǵa júgirip shyqty. Oǵan qytysty Ákimshilik quqyq buzýshylyq týraly 667-baptyń birinshi tarmaǵyboıynsha ákimshilik hattama toltyryldy»,- dedi polıtsııadan.