Jol boıyndaǵy qyzmet kórsetý nysandary qanshalyqty ulttyq standartqa saı
ASTANA. KAZINFORM – Elimizdegi respýblıkalyq avtomobıl joldary boıyndaǵy qyzmet kórsetý nysandarynyń 82 paıyzy ulttyq standartqa saı keledi. Bul týraly «QazAvtoJol» ulttyq kompanııasynan málim etti.
«Búginde respýblıkalyq mańyzy bar avtomobıl joldarynyń boıynda 1 523 jol boıyndaǵy qyzmet kórsetý nysany ornalasqan. Onyń 1 250-i nemese 82 paıyzy Ulttyq standart talaptaryna saı keledi», - delingen kompanııanyń agenttik saýalyna bergen jaýabynda.
Mekemeniń atap ótýinshe, «Qýatty óńirler – el damýynyń draıveri» ultty jobasy kórsetkishterine qol jetkizý maqsatynda ótken jyly respýblıkalyq mańyzy bar joldardyń boıynda 61 qyzmet kórsetý nysany paıdalanýǵa berilgen.
«Bıyl bizdiń aldymyzda Ulttyq standartqa saı keletin jol boıyndaǵy nysandardy 90 paıyza jetkizý mindeti tur», - dep atap ótedi kompanııadan.
