Jol boıynda qyzmet kórsetetin 37 nysan ashylady — Qazavtojol
ASTANA. KAZINFORM — Búginde respýblıkalyq avtojoldarda 1421 jol boıyndaǵy servıs nysany bar. Bul týraly «QazAvtoJol» UK» AQ basqarma tóraǵasy Darhan Imanashev aıtyp berdi.
2023-2025 jyldary tolyq qyzmet kórsetetin 123 jańa zamanaýı nysan iske qosylǵan.
— Bıyl jeke ınvestıtsııalar esebinen qosymsha 37 nysan ashý josparlanǵan. Joldardyń boıynda 176 modýldik sanıtarlyq-gıgıenalyq toraptar ornatyldy, onyń 108-i sońǵy úsh jylda paıdalanýǵa berilgen. Osy jyly 13 modýldik pavılon ornatylady, — dedi D. Imanashev Úkimet otyrysynda.
Aldaǵy kezeńde jol boıy servısin jańa deńgeıge kóterý kózdelip otyr. Bul jumys respýblıkalyq mańyzy bar avtojoldardy salý jəne qaıta jańartý jobalary aıasynda júrgiziledi.
— Atap aıtqanda, júrgizýshiler men jolaýshylarǵa qolaıly jaǵdaı jasaý úshin kópfýnktsıonaldy servıstik aımaqtar kezeń-kezeńimen qurylatyn bolady. Halyqaralyq jəne respýblıkalyq mańyzy bar avtojoldardy odan əri damytý jumystary Kólik mınıstrliginiń erekshe baqylaýynda. Ulttyq operator óz kezeginde jobalardy sapaly əri belgilengen merzimde iske asyrý úshin barlyq qajetti sharany qabyldaıdy, — dedi kompanııa basshysy.
Buǵan deıin Premer-mınıstr 1 mamyrǵa deıin jol boıyndaǵy servısti damytý kartasyn ázirleýdi tapsyrǵan edi.
Sondaı-aq, elimizde aqyly joldar qataryna taǵy 6 ýchaske qosylady. Aqyly jolda aqaý anyqtalsa, tólem ýaqytsha toqtatylady.
