Jol bólispegen júrgizýshilerdiń biri ekinshisin atyp saldy
ASTANA. QazAqparat - Bishkekte jolǵa talasqan eki júrgizýshiniń arasynda janjal týyndap, saldarynan bireýi ekinshisin tapanshamen atqan.
Mılıtsııa málimetteri boıynsha, oqıǵa 21 qyrkúıek kúni saǵat 21:00-de Ahýnbaeva jáne Jýkeeva-Pýdovkın kósheleriniń qıylysynda bolǵan, dep habarlaıdy Kabar.
«Honda Fıt» jáne «Mersedes» avtokólikteriniń júrgizýshileri jolǵa talasyp, aralarynda janjal týyndaǵan. Sol aralyqta birinshi kóliktiń júrgizýshisi tapansha alyp shyǵyp, qarsylasynyń ıyǵynan atqan. Ol jeńil-jelpi jaraqat alǵan», - dep habarlady astanalyq MІІB.
Oqıǵa ornyna dereý jetken mılıtsııa qyzmetkerleri janjaldasqandardyń ekeýin de ustady.
