Jol apatynda zardap shekken bala sanavıatsııamen Pavlodarǵa jetkizildi
PAVLODAR. QazAqparat – Maı aýdanynyń Kóktóbe aýylynda jol apatyna ushyraǵan bala sanavıatsııamen Pavlodarǵa jetkizildi. Qazirgi tańda jaǵdaıy birqalypty turaqty. Ony travmatologııalyq bólimshege aýystyrý josparlanýda, dep habarlaıdy QazAqparat Pavlodarnews.kz saıtyna silteme jasap.
Oblystyq densaýlyq saqtaý basqarmasynyń málimetinshe, 2011 jyly týǵan bala ashyq bas súıek-mı jaraqatyn alǵan. Mıdyń aýyr jaraqaty, tóbe súıekterdiń syzyqtyq synýy, oń jaqta qatty qabaq syrtyndaǵy gematoma, sol jaq femoraldy dıafızdiń qıǵash synýy, fragmentterdiń jyljýy anyqtalǵan.
- 1 dárejeli travmatıkalyq shok alǵan. 1 qyrkúıek kúni 20 saǵat 10 mınýtta sanıtarlyq avıatsııa jelisi boıynsha reanımatolog jáne neırohırýrg dárigerdiń erip júrýimen oblystyq balalar aýrýhanasynyń travmatologııalyq pýnktine jetkizilip, shuǵyl túrde jansaqtaý bólimine jatqyzyldy. Qabyldaý kezinde jaǵdaıy polıtravmaǵa baılanysty aýyr boldy. Barlyq qajetti emdik jáne dıagnostıkalyq is-sharalar júrgiziledi, - dep jazylǵan habarlamada.
Jol-kólik oqıǵasy 1 qyrkúıek kúni saǵat 15.40-ta Maı aýdanynyń Kóktóbe aýylynda oryn aldy. Velosıped tepken 2011 jyly týǵan bala, 61 jastaǵy júrgizýshi basqarǵan «GAZ 66» avtokóliginiń tirkemesiniń artqy dóńgelegine soǵylǵan.
