Jol apatynda adam ólimine sebepker bolǵan mas júrgizýshige jaza qatań bolady - I.Merkel
ASTANA. 18 jeltoqsan. QazAqparat - Jol apatynda adam ólimine sebepker bolǵan mas júrgizýshige jaza qatań bolady.
Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Bas prokýrorynyń birinshi orynbasary Iogan Merkel málim etti.
«Vedomstvoaralyq jumys toby eger jol apaty saldarynan adam qaza tapsa ári júrgizýshi rólde mas kúıinde bolsa, onda bul aýyr qylmys sanalady dep sheshti. Biz 7 jyl bas bostandyǵynan aıyrý jazasyn belgiledik jáne ol aýyr qylmys sanalady. Osyǵan sáıkes, aýyr qylmystar boıynsha taraptardyń ymyraǵa kelýi múmkin emes», - dedi ol.
Sonymen qatar I.Merkel eger júrgizýshi mas bolmasa, onda taraptardyń ymyraǵa kelýi múmkin ekendigin de joqqa shyǵarmady.
