Jol apatynan japa shekken 6 jastaǵy búldirshin jansaqtaý bóliminen shyqty
ALMATY. QazAqparat - Almatyda jol apatynan japa shekken 6 jastaǵy búldirshin jansaqtaý bóliminen shyqty. Balanyń jaǵdaıy týraly QazAqparat tilshisine qalalyq Balalarǵa shuǵyl kómek kórsetý ortalyǵynyń bas dárigeri Abaı Qusaıynov aıtty.
3, 6, 8 jastaǵy balalar qazir ortalyqtyń neırohırýrgııa bóliminde jatyr.
«6 jastaǵy búldirshinniń jaǵdaıy jaqsy. Esin jıyp, sóılep jatyr. Qazir jansaqtaý bóliminen neırohırýrgııa bólimine aýystyryldy. Ol 14-20 kún jatýy tıis. Al onyń baýyrlary, eki bala aýrýhanadan shyǵarylady. Túskenderine 7 kún tolǵan soń úılerine qaıtaramyz», - dedi ortalyqtyń bas dárigeri Abaı Qusaıynov.
Aıta ketý kerek, 3 balasy men anasyn Toıota kóligi betonǵa qysyp tastaǵan bolatyn.
Qalalyq Densaýlyq saqtaý basqarmasynan habarlaǵandaı, jol apatynan 4 adam japa shekken.
6 jastaǵy balanyń qaraqus súıeginiń sol jaq bóligi synyp ketken. Іshki aǵzalary soqqy alǵan. Bala aýrýhanaǵa 1-2 dárejedegi travmatıkalyq shokpen túsken edi. Al, 3 jáne 8 jastaǵy basqa balalardyń bastaryna zaqym kelgen.
Jol apaty ornynan Shuǵyl medıtsınalyq kómek kórsetý aýrýhanasyna jetkizilgen balalardyń anasynyń da mıy shaıqalyp, basynan jaraqat alǵan. Qazir ol neırohırýrgııa bóliminde jatyr.
Bul derek QR QK 345-babynyń 1-bólimimen sotqa deıingi biryńǵaı tergeý isi tizilimine tirkeldi.
