Jol apatynan keıin Qulja tas joly boıyndaǵy aǵashtar kesilip jatyr
ALMATY. QazAqparat - Almatyda kommýnaldy qyzmet ókilderi Qulja tas jolyndaǵy adam óliminen soń aǵash kesý jumystaryn bastap ketti, dep habarlaıdy QazAqparat tilshisi.
«Negizinde bul terrıtorııa Almaty qalasyna kiredi. Aınalma joldan bastap Gúldala aýylyna deıin eki shaqyrym jol bizdiń balansymyzda. Biraq, is júzinde qalanyń terrıtorııasy. Biz osy ýaqytqa deıin joldy áli bere almaı jatrymyz», - dedi «QazAvtojol» ulttyq kompanııasynyń ókilderi Almatyda ótken qoǵamdyq tyńdaý barysynda.
Eger bul terrıtorııa qalaǵa tıesili bolsa, qalanyń kommýnaldyq qyzmetteri aǵashtardy sanıtarlyq kesý jumystaryn óz moıyndaryna alýy kerek.
«Bul aǵashtar bizdiń balansymyzda bolǵandyqtan, túgel kesip tastasaq degen oı boldy. Alaıda, orman sharýashylyǵy men janýarlar álemi ınspektsııasy bizge olaı jasaýǵa ruqsat bermeı otyr. Osy ýchaske boıynsha qalamen kelistik. Olar aınalma jolǵa deıin joldyń bir jaǵynda sanıtarlyq kesýdi bastady. Osy baǵytta jumys jalǵasatyn bolady», - dedi baspasóz qyzmetinen.
Aıta ketý kerek, tótenshe jaǵdaı 26 maýsymda bolǵan. Qulja tas jolymen kele jatqan jeńil kóliktiń ústinen aǵash qulap ketken. Kólik ınertsııamen jyljyp baryp kelesi aǵashqa soǵylǵan.
Jol apatynyń saldarynan júrgizýshi men jolaýshy sol jerde kóz jumǵan edi.
