Jol apatynan aıaǵynan aıyrylǵan kelinshek qazaqstandyqtarǵa alǵysyn bildirdi
ALMATY. QazAqparat - Jol apaty saldarynan aıaǵynan aıyrylǵan almatylyq Ekaterına Parafıeva qıyn sátte qoldaý bildirgen otandastaryna alǵysyn bildirdi. Onyń sózderin Facebook arqyly Olga Agapova jetkizdi, dep habarlaıdy «QazAqparat» HAA tilshisi.
«Eń qıyn mınýttarda aınaladaǵy adamdardyń qoldaýy maǵan zor kúsh-qýat berdi. Meniń aldymda úlken jol jatyr. Biraq, mańaıymda meıirimdi adamdar tolyp turǵanda, barlyq qıyndyqtardy jeńetinime senimdimin. Qıyn sátte qol ushyn soza bilgen árqaısyńyzben jeke tanysyp, meıirimdilikterińiz úshin alǵys bildirgim keledi. Biraz ýaqyt ótkennen keıin mundaı múmkindiktiń týatynyna senemin. Taǵy da kóp rahmet!», - deıdi zardap shekken boıjetken.
Eske salaıyq, jol apaty Ál-Farabı dańǵylynda 16 maýsym kúni boldy. Honda CRV tizgindegen qyzdar ashyq lıýkke kirip ketip, kólik dóńgelegin jaryp alǵan. Kelinshekter jol shetine toqtap, kólikterin qaraýǵa shyǵady. Sol kezde Honda CRV-nyń artynan kele jatqan Toyota Camry onymen soqtyǵysýdan qashyp, birden ortańǵy jolaqqa burady. Ol jerde avtobýspen túıisip, Toyota Camry soqqymen Honda CRV-ny artynan urady. Saldarynan kelinshekter eki kóliktiń ortasynda qysylyp qalǵan.
Qalalyq Densaýlyq saqtaý basqarmasynan habarlaǵandaı, Ekaterına Parafıevanyń aıaǵyna ampýtatsııa jasaý uıǵaryl ǵan.
Ekinshi qyz №7 qalalyq aýrýhanananyń nevrologııa bólimine jatqyzyldy .
