Jol apatynan aýyr jaralanǵan mototsıklıst pen jolaýshy aýrýhanaǵa jetkizildi
JEZQAZǴAN. QazAqparat - Qaraǵandy oblysynyń Jezqazǵan qalasynda mototsıkl júrgizýshisi jan túrshigerlik jol apatyna ushyrady, dep habarlaıdy QazAqparat tilshisi.
4 sáýir kúni 17:30 shamasynda Mır dańǵyly men Alashahan kóshesiniń qıylysynda mototsıkl júrgizýshisi kólik quralyn basqara almaı, 34 jastaǵy Jezqazǵan qalasynyń turǵynynyń basqarýyndaǵy «Mıtsýbısı Galant» avtokóligimen soqtyǵysqan.
Jol apaty saldarynan mototsıkl júrgizýshisi men onyń jolaýshysy aýyr jaraqat alyp, aýrýhanaǵa jatqyzyldy.
Jol-kólik oqıǵasy faktisi Jezqazǵan qalasynyń polıtsııa basqarmasynda tirkelgen. Qazirgi ýaqytta tıisti saraptamalar taǵaıyndaldy. Tergeý amaldary júrip jatyr.
