Jol apatynan aman qalǵan aktrısa sol kúni ne bolǵanyn bilmeıdi
ALMATY. QazAqparat - Almatyda jol apatynan jaraqat alǵan aktrısa Aızada Satybaldıeva qaıǵyly oqıǵanyń qalaı bolǵany týraly bilmeıdi, dep habarlaıdy QazAqparat tilshisi.
Onyń kúıeýi Baqyt Áldıbekovtiń aıtýynsha, Aızada Satybaldıevanyń áli densaýlyǵy qalpyna kele qoıǵan joq.
«Sol kúni ne bolǵany esinde joq. Al týystaryn tanıdy. Basy qatty aýyrady. Soqqy basyna tıgen. Qabyrǵalary synǵan. Bireýi úsh jerden synyp ketken. Denesiniń sol jaǵy jansyzdanyp qaldy. Dárigerler qaıta qalpyna kelýge 5-6 aı nemese 1 jyl ýaqyt ketedi», - dedi kúıeýi.
Sonymen qatar ol Sholpan jáne qasyndaǵylardyń qaıtys bolǵanyn bilmeıdi.
«Biz oǵan jaraqat alǵan sen ǵana basqalary jaqsy dedik. Ol aıyptyny keshirýdi surady. Sonda ǵana Alla jazylýyna kómektesedi dedi», - dedi Baqyt Áldıbekov.
Ol sottan moraldyq materıaldyq shyǵyndardy ótegen jaǵdaıda bas bostandyǵynan aıyrýdyń qajet etpeıtin jaza taǵaıyndaýdy surady.
Aıta ketý kerek, qaıǵyly oqıǵa 29 jeltoqsanda bolǵan edi. Abaı men Seıfýllın kósheleriniń qıylysynda Gelandewagen baǵdarshamnyń qyzyl túsine ótip Galant kóligin soqqan. Jol apatynan 3 adam - Galant júrgizýshisi men eki jolaýshy kóz jumdy. Olardyń biri belgili aktrısa Sholpan Elgezek. Keıin 34 jastaǵy Gelandewagen júrgizýshisi mas bolǵany anyqtaldy.
Gelandewagen markaly avtomobıl júrgizýshisi, 1985 jylǵy Kar Іlııas QR QK-niń 345-baby men 347-baby boıynsha sot aldynda jaýap berdi.
Aıta keteıik, atalǵan jol apatynan aman qalǵan jalǵyz jolaýshy - aktrısa Aızada Satybaldıeva aýyr halde aýrýhanaǵa tústi.
