Jol apatynan 12 bala qaza tapty
ASTANA. QazAqparat - Úndistanda mektep avtobýsy men poıyz soǵylyp, 12 bala qaza tapty. Avtobýs júrgizýshisi de ajal qushty, dep habarlady sheteldik BAQ.
Jol apaty Telengan shtatyna qarasty Medak okýrginde oryn alǵan. Jergilikti polıtsııa aqparatyna qaraǵanda, 7 men 14 jas aralyǵyndaǵy taǵy 16 bala jaraqat alyp, aýrýhanaǵa jatqyzylǵan.
Aıta keterligi, Úndistan álemdegi temir jol jelisi barynsha damyǵan memleketterdiń biri ári jol boıynda dál osyndaı oqıǵalar jıi bolyp turady.
