Jol apatyna ushyraǵan kólik júrgizýshisi balta ala umtyldy
ASTANA. QazAqparat - Novokýznetskide bolǵan jol-kólik apaty balta jáne tapansha arqyly esep aıyrysýmen aıaqtaldy. Kúre jolda sheteldik kólik pen reseılik avtomobıl soqtyǵysty.
Zaqymdanǵan "Reno" júrgizýshisi kóliginen baltasyn alyp ekinshi júrgizýshige umtylǵan. Keıin avtomobıline qaıta otyrady, alaıda baltamen shabýyldaýdy azsynyp az ýaqyttan soń tapanshasyn alyp, qarsy turǵan kólikke birneshe ret oq atqan.
Budan keıin "Reno" ıesi mashınasyna otyryp, baǵdarshamnyń qyzyl túsine qaramastan óte shyǵyp, oqıǵa ornynan izin sýytqan. Jol-kólik apaty men buzaqylyq boıynsha birneshe qylmystyq is qozǵaldy.
