Jol apatyna ushyraǵan buǵy júrgizýshige shabýyl jasady

ASTANA. QazAqparat - Nıý-Djersılik júrgizýshi baıqaýsyzda buǵyny qaǵyp ketip, oqıǵa ornynan izin sýytty. Al jaralanǵan janýarǵa kómek jasamaq bolǵan ózge júrgizýshige ornynan atyp turǵan buǵy shabýyl jasady. Oqıǵa beınetirkeýshige túsip qalǵan, dep jazdy nat-geo.ru.

Buǵy túngi ýaqytta, jaryq az túsetin jol bóliginde kólik astyna túsip qalǵan. Apatqa kináli júrgizýshi tabylǵan joq. Beınetirkeýshi kadrlarynda joldyń arǵy betinde jatqan buǵy esin jıyp, kólikke qaraı jaqyndaıdy.

Qarsy bettegi kólikte janýarǵa kómektesý úshin toqtaǵan áıel bar edi. Alaıda, jaraly buǵy avtokólik kabınasyna kirýge tyrysqan. Júrgizý áıeldiń aıtýynsha, buǵyny kólikten kúshtep shyǵarýǵa týra keldi, áıtpese ózi jaralanyp qalar edi.

Mashınadan syrǵyp túsken buǵy óldi. Al oǵan kómekteskisi kelgen júrgizýshi aıaǵyn jaraqattady.