Jol apatyna ushyraǵan 4 jasar sábı: Kýágerler izdestirilip jatyr
ALMATY. QazAqparat - Almaty polıtsııasy 4 jastaǵy bala jaraqat alǵan jol apatynyń kýágerlerin izdestirip jatyr, dep habarlaıdy QazAqparat tilshisi.
«Qalalyq ІІD 16 shilde kúni saǵat 09:10-te Odesskaıa-Brıanskaıa kóshesinde bolǵan jol apatyn kózimen kórgen kýágerler bolsa 7 701 888 4882 nemese 102 nómirlerine habarlasýyn suraıdy»,- dedi baspasóz qyzmetinen.
Aıta ketý kerek, jantúrshigerlik oqıǵa keshe shyǵys aınalma jolyna jaqyn Brıanskaıa kóshesinde bolǵan. 4 jastaǵy balany kólik qaǵyp, aǵash túbine qaldyryp ketken.
Ata-anasy birneshe mınýt ótken soń ǵana balany júzdegen metr qashyqtan taýyp alǵan. Almaty polıtsııasy balany soqqandardy izdestirip jatyr.
Qazir bul ispen Medeý aýdandyq ІІB janyndaǵy polıtsııa bólimi aınalysyp jatyr.
Dárigerlerdiń aıtýynsha, balanyń jaǵdaıy óte qıyn. Samaı súıegi ishine kirip ketken. Sonyń saldarynan balanyń mıy isip tur.
