Jol apatyna túsken kólikten aqsha shashyldy
ASTANA. QazAqparat - Oıyn avtomattaryn toltyrý úshin aqsha tasymaldap kele jatqan kólik jol apatyna túsip, ártúrli nomınaldaǵy kýpıýralar trassanyń ústine shashyldy. Oqıǵa AQSh-tyń Illınoıs shtatynda boldy, dep habarlaıdy Belta aqparat agenttikterine silteme jasap.
Jan-jaqqa ushqan 5, 10 jáne 20 dollarlyq kýpıýralardy jınap alý úshin polıtsııa qyzmetkerlerine joldy jabýǵa týra kelgen.
Quqyq qorǵaýshylar keıinnen anyqtaǵandaı, jol apatyna júrgizýshi kináli, ol rýlge ıe bola almaı qalyp, baǵanǵa soǵylǵan. Onyń artynsha, ózge kólik qorshaýǵa soǵylǵan. Oqıǵa saldarynan aıtarlyqtaı zardap shekkender joq. Aqshany jınap alýǵa 60 mınýt ýaqyt ketti. Mashınada bastapqyda qansha aqsha bolǵany jáne qanshasyn jelmen ushyryp áketkeni habarlanǵan joq.
