Jol apatyna sebepker bolǵan qostanaılyq polıtseı jumysynan shyǵaryldy
QOSTANAI. QazAqparat – Jol-kólik oqıǵasyna ushyraǵan qostanaılyq polıtseı jumystan shyǵaryldy. Bul týraly oblystyq polıtsııa departamenti bastyǵy Beket Aımaǵambetov Facebook paraqshasynda málim etti, dep habarlaıdy QazAqparat.
Іri jol-kólik oqıǵasyna sebepshi polıtseıdiń mas kúıde bolǵany anyqtaldy.
«Búgin meniń úkimimmen, tártiptik komıssııanyń sheshimimen 22 qyrkúıek kúni mas kúıinde jol-kólik oqıǵasyna sebepker bolǵan qyzmetker ishki ister organdary qyzmetinen shyǵaryldy. Ol áskerı-qyzmettik tártipti jáne polıtsııa dıskredıtatsııasyn saqtamaǵan», - dep jazdy B.Aımaǵambetov.
Sonymen qatar, departament basshysy tártip saqshylarynyń aldynda aýqymdy mindetter turǵanyn atap ótti. Onyń sózinshe, polıtseıler zańdy saqtap, qyzmetine adaldyq tanytý arqyly qoǵamnyń talabyn oryndaıdy. Ol, sondaı-aq, atalmysh oqıǵa boıynsha tergeý sharalary jalǵasyp jatqanyn atap ótti.
Aıta keteıik, keshe Qostanaıda tártip saqshysynyń qatysýymen bolǵan jol-kólik apatyna qatysty qyzmettik tekseris bastaldy.
