Jol apatyn jasap, qansyraǵan balany kómeksiz qaldyryp ketken júrgizýshi izdestirilýde
ATYRAÝ. QazAqparat - Atyraýda oqýshy qyzdy kóligimen qaǵyp ketip, jol apaty ornynan boı tasalaǵan júrgizýshi izdestirilýde, dep habarlaıdy «QazAqparat» HAA tilshisi.
«Jol-kólik apaty oblys ortalyǵyn Damba kentimen baılanystyratyn qala mańyndaǵy kúre jolda oryn aldy. Jol ústinde kólik qaǵyp ketken 2002 jyly týǵan qyz bala es-tússiz kúıde oblystyq balalar aýrýhanasyna jetkizildi. Dárigerler onyń ómirin saqtap qalý úshin kúresti, biraq alǵan jaraqattary tym aýyr boldy. Qazirgi ýaqytta jol apatyn jasap, qyz balany kómeksiz qaldyryp ketken kólik júrgizýshisi izdestirilýde», - dep habarlady óńirlik ІІD baspasóz hatshysy Gúlnázıra Muhtarova.
