Jol apatyn jasap, eki adamnyń ólimine sebepker bolǵan shymkenttik tutqyndaldy
ShYMKENT. QazAqparat - Shymkentte jol-kólik oqıǵasyn jasap, eki adamnyń ólimine sebepker bolǵan júrgizýshi polıtsııaǵa ózi keldi.
Oblystyq ІІD baspasóz qyzmetiniń málimetinshe, búgin kináli júrgizýshige qatysty Qylmystyq Kodekstiń 345-baby 4-bólimimen («Kólik quraldaryn júrgizýshi adamdardyń jol qozǵalysy jáne kólik quraldaryn paıdalaný erejelerin buzýy») is qozǵalyp, anyqtaý sharalary júrgizilýde, dep habarlaıdy QazAqparat HAA tilshisi.
Jol apatyn jasap, oqıǵa ornynan qashyp ketken «Toıota Kamrı» kóliginiń júrgizýshisi, eki saǵattan soń Abaı aýdandyq polıtsııa bólimine kelip, óz erkimen kinásin moıyndaǵan. Ol 1986 jyly týǵan Ordabasy aýdanynyń turǵyny bolyp shyqty. Qazirgi tańda kúdikti qamaýǵa alynyp, tergeý sharalary júrgizilýde. Sondaı-aq birqatar saraptamalar taǵaıyndaldy.
Eske salaıyq, keshe túngi saǵat 01.30 shamasynda Shymkent qalasyndaǵy Ál-Farabı jáne ıÝsýpov kósheleriniń qıylysynda «Toıota kamrı» markaly avtokóligi «Toıota Land krýzer 200» kóligimen soqtyǵysyp , kináli júrgizýshi oqıǵa ornynan boı tasalaǵan. Aýyr jaraqattary saldarynan 1972 jyly týǵan «Toıota land krýzer 200» kóliginiń júrgizýshisi jáne onyń janynda bolǵan áıeli oqıǵa ornynda kóz jumdy. Olardyń uly, ıaǵnı 2011 jyly týǵan jetkinshek túrli dene jaraqattarymen oblystyq balalar aýrýhanasynyń jansaqtaý bólimine jetkizilgen bolatyn. Aıta keteıik, BAQ-tar buǵan deıin 3 eresek adamnyń ólimi týraly habarlaǵan bolatyn.
