Jol apaty kezinde oqıǵa ornynan izin sýytqan júrgizýshi ustaldy – SQO
PETROPAVL. QazAqparat – Petropavl qalasynyń polıtsııa qyzmetkerleri jol apaty kezinde oqıǵa ornynan izin sýytqan júrgizýshini eki kúnnen keıin ustady, dep habarlaıdy QazAqparat tilshisi.
«14 qyrkúıek kúni áleýmettik jelilerde Petropavl qalasy Áýezov kóshesindegi jol-kólik oqıǵasynyń vıdeosy tarap ketken bolatyn. Saǵat keshki 20.00-ge taıaý aınalma jolmen kele jatqan reseılik nómir taqqan VAZ 21120 markaly avtokóliktiń júrgizýshisi joldyń qarama-qarsy betine shyǵyp ketip, Honda CIVIC markaly avtokólikpen soqtyǵysqan. Saldarynan Honda CIVIC kóligi jol shetindegi DAF markaly aýyr júk kóligin soqqan. VAZ 21120 júrgizýshisi oqıǵa ornynan birden izin sýytyp, al Honda-daǵy júrgizýshi men jolaýshy úshinshi qalalyq aýrýhanaǵa ártúrli dene jaraqatymen jetkizilgen bolatyn», - dep habarlaıdy SQO polıtsııa departamentiniń baspasóz qyzmetinen.
Eki kún boıy qalanyń tártip saqshylary atalmysh kóliktiń ıesin izdedi. Aqyry quqyq qorǵaýshylar 1959 jylǵy Petropavl qalasynyń turǵynyn ustaǵan.
«Qala turǵyny jaýapkershilikten qoryqqandyqtan oqıǵa ornynan qashyp ketkenin aıtty. Sebebi, ol merzimi ótip ketken júrgizýshi kýáligimen júrgen. Avtokólik «Bereke» shaǵyn aýdanyndaǵy júrgizýshiniń týystaryna tıesili jeke úıden tabylyp, aıyppul turaǵyna jetkizildi», - delingen habarlamada.
