Jol apaty kezinde birneshe adamdy qutqarǵan eki azamat marapattaldy
17 shildede Ulanbel – Sozaq – Sholaqqorǵan – Ekpindi tasjolynyń Shybyt – Shaıan eldi mekeniniń aralyǵynda bóliginde 3 kóliktiń soqtyǵysýymen iri jol apaty boldy. 10 adam mezgilsiz qaza taýyp, 12 adam jaraqat aldy.
«Qurbandar sany kóp bolýy múmkin be edi, oqıǵa kezinde azamattyq tanytyp, ózgelerdiń janyn arashalaı bilgen qaısar jandar bolmaǵanda. Olaı deıtinimiz, sol kúni apatqa ushyraǵan kólikteriń ishinde bolǵan Murat Esenqabylov pen Baqytjan Kóksýbaı qasyndaǵy júrgizýshiler men jolaýshylardy qutqarýda kózsiz batyrlyq tanytty. Olardyń adam ómirin arashalaýdaǵy batyldyǵy ben janqııarlyǵyn qoǵam joǵary baǵalady», - delingen habarlamada.
Túrkistan oblysy PD bastyǵynyń mindetin atqarýshy Baǵlanbek Aıtpaev óz bastaryn qaterge tige otyryp, ózgege járdem bergen eki turǵyndy arnaıy qabyldap, marapattady. Basqalarǵa úlgi bolarlyq batyldyq jasaǵan alyp júrekti azamattarǵa barsha polıtseıler atynan rızashylyq bildirip, Alǵys hat pen baǵaly syılyqtaryn tabystady.
Іri jol-kólik oqıǵasyn kózderimen kórip, kýáger bolǵan azamattar oqıǵanyń mán-jaıyna toqtaldy. Sol sátte tek zardap shekken azamattarǵa kómektesýdi oılaǵandaryn jetkizdi. Elimizde mundaı jol apaty bolmaýyn tilep, júrgizýshilerden jol erejesin saqtaýdy ótinetindikterin aıtty.
Buǵan deıin olardy Sozaq aýdanynyń ákimi Muhıt Turysbekov arnaıy qabyldap, Alǵys hatpen marapattaǵan edi.
