Jol apaty 50 adamnyń ómirin qıyp ketti
ASTANA. 5 naýryz. QazAqparat - Gvıneıa respýblıkasyndaǵy iri jol apaty 50 adamnyń ómirin qıyp ketti, dep habarlady «Sınhýa» biletin derekkózderge silteme jasap.
Qaıǵyly oqıǵa eldiń ońtústik-shyǵys jaǵyndaǵy Beıla prefektýrasynda Morıbadý eldi mekeniniń mańynda oryn alǵan. Jergilikti turǵyndar minip, Beıla qalasyndaǵy saýda jármeńkesine attanǵan júk mashınasy tejegish júıesiniń isten shyǵýy saldarynan aýdarylǵan
El úkimeti qaza bolǵandardyń otbasylaryna qaıǵyly oqıǵaǵa baılanysty kóńil aıtty.
Ótken jyldyń sońynda da Gvıneıada qorabyna adamdar tıelgen júk mashınasy eleýli apatqa ushyraǵan edi. Іri salmaqty avtomobıl basqarýdan aıyrylyp qalyp, ótip bara jatqan adamdar tobyna soqtyǵysqan bolatyn. Onda 20 adam qaza boldy.
Gvıneıada mundaı iri apattar jıi bolyp turady. Eleýli adamdar qurbandaryna soqtyrǵan jol-kólik apattarynyń sebepteri - joldardyń nasharlyǵy, avtomobılderdiń jaı-kúıiniń oıdaǵydaı bolmaýy. Elde avtomashınalardyń kópshiligi jyldar boıy tekserýden ótkizilmeıdi. Sonymen qatar adam ólimine soqtyrǵan jol kólik-apattaryna kóbirek sapar jasaýǵa tyrysyp jyldamdyqty asyrý, sondaı-aq kóp jaǵdaıda júrgizýshilerdiń mas kúıinde rýlge otyrýy da sebepshi.
