Jol apattarynyń negizgi úlesi erejeni óreskel buzǵan júrgizýshilerdiń kinásinen oryn alýda

ASTANA. QazAqparat - 2015 jyly Qazaqstan Respýblıkasynyń joldarynda jáne eldi mekenderinde 18 890 jol-kólik oqıǵasy tirkelgen, onda 26 508 adam zardap shekken. Bul týraly QR Bas prokýratýrasynyń Quqyqtyq statıstıka jáne arnaıy esepke alý jónindegi komıteti baspasóz qyzmetinen habarlandy.

2014 jylmen salystyrǵanda adamdarǵa zaqym ketirgen apattylyq 7,3 paıyzǵa tómendegen.

Jol apattarynyń sebepteri burynǵydaı: olardyń negizgi bóligi (90%-dan artyq) Jol qozǵalysy erejesin óreskel buzǵan júrgizýshilerdiń kinásinen (17 783) oryn alǵan, sonyń 609-y alkogoldik nemese esirtkilik mas kúıinde róldi basqarǵan.

JKO kóp bóligi nemese 8175-i júrginshilerdi soǵyp ketý saldarynan, 6522-i kólik quraldarynyń soqtyǵysýynan, 1673 JKO kóliktiń aýdarylyp qalý saldarynan bolǵan.

«Júrgizýshilerdiń jyldamdyqty arttyrýynan 6138 JKO oryn alyp, sonyń saldarynan 1009 adam qaza tapty jáne 7474 adam jaraqattanǵan, sondaı-aq qarsy qozǵalystyń jolyna túsý sebebinen bolǵan 1211 JKO-dan 504 adam qaza taýyp, 2486-sy jaralanǵan»,-dep atap ótilgen komıtet málimetinde.