Jol apattarynan kóbinese jolaýshylar men jaıaý júrginshiler zardap shegedi

ASTANA. QazAqparat - Byltyr alkogoldik jáne esirtkilik mas kúıinde kólik quralyn basqarǵany 27 myńnan astam adam ákimshilik jazaǵa tartyldy. Bul týraly QR Bas prokýratýrasynyń Quqyqtyq statıstıka jáne arnaıy esepke alý jónindegi komıteti baspasóz qyzmetinen habarlandy.

«2015 jyly alkogoldik jáne esirtkilik mas kúıinde kólik quralyn basqarǵany úshin barlyǵy 27 800 adam ákimshilik jazaǵa tartyldy. Statıstıka kórsetkendeı, jol apattarynan júrgizýshilerdiń ózderi eń az zardap shegedi, kóbinese zardap shegetinder jolaýshylar men jaıaý júrginshiler. JKO saldarynan 2453 adam qaza tapqan, olardyń ishinde - 1816 er adam, 637 - áıel adam, 230 - kámeletke tolmaǵan jolaýshylar»,-dep atap ótilgen komıtet málimetinde.

Sonymen qatar vedomstvo ókilderi 12 jasqa deıingi balalardy arnaıy bekitýshi jabdyqtarda tasymaldaýdyń mindettiligi týraly normanyń engizilýi arqasynda 2015 jyly jol apattarynan zardap shekken balalar sanynyń tómendeýi baıqalǵanyn alǵa tartýda.